Aqtóbede esirtki zattaryn saqtap, satýmen ainalysqan 7 kúdiktige qatysty tergeý júrip jatyr. Olarǵa qatysty taǵy da qosymsha aiyp taǵyldy, dep habarlaidy QazAqparat.
Aqtóbe oblystyq PD Esirtkige qarsy is-qimyl basqarmasynyń qyzmetkerleri QR Ulttyq Ulannyń jasaǵymen birlesip, ońtústik óńirlerinen Aqtóbe oblysynyń aýmaǵynda asa iri mólsherde marihýana jáne gashish tasymaldaýmen, saqtaýmen jáne ótkizýmen uzaq ýaqyt boiy ainalysqan 7 adamdy ustaǵan bolatyn.
Kúdiktilerden 25 keli marihýana, 5 keliden astam gashish tárkilendi.
«Buǵan deiin esirtki zattaryn saqtaý, tasymaldaý, satýmen ainalysqany úshin tergeý júrdi. Endi QR QK 262-babynyń 1, 2-tarmaqtary negizinde esirtki quraldarynyń zańsyz ainalymyna bailanysty qylmystardy jasaý maqsatynda uiymdasqan qylmystyq top qurý jáne oǵan qatysý boiynsha qylmystyq quqyq buzýshylyqtar tirkelip, taǵy da qosymsha aiyp taǵylyp jatyr», - dedi oblystyq PD baspasóz qyzmetiniń jetekshisi Erbolat Sarqulov.
