Aqtóbe oblysy Temir aýdany Sarkól aýylyndaǵy jeke úiden eki adamnyń denesi tabyldy. Ekeýi de belgisiz gazdan ýlanyp qalǵan, dep habarlaidy "Ult aqparat".
Aqtóbe oblystyq tótenshe jaǵdailar departamentiniń habarlaýynsha, Temir aýdanynda qaiǵyly jaǵdai tirkeldi.
«Sarkól aýyly Meshit kóshesindegi úiden 1951 jyly týǵan úi iesi men 1976 jylǵy turǵynnyń denesi tabyldy. Aldyn ala boljam boiynsha, ekeýi de belgisiz gazdan ýlanǵan. Qazir tergeý júrip jatyr», - dep habarlady oblystyq TJD baspasóz qyzmeti.
Sonymen birge Hromtaý aýdany Kóktaý kentinde eki adam tabiǵi gazǵa ýlanyp qalǵan. Olar dereý aýrýhanaǵa jetkizildi. Qazirgi kezde dárigerler «1987 jáne 1990 jyly týǵan eki adamnyń jaǵdaiy aýyr» dep otyr.
