Aqtóbe oblysy, Shalqar aýdany, Qotyrtas aýylynda klýb órtenip ketti, dep habarlaidy "Ult aqparat".
Aqtóbe oblystyq tótenshe jaǵdailar departamentiniń baspasóz qyzmeti oqiǵanyń mán-jaiyn baiandap berdi. 9 maýsym kúni saǵat 18:37-de Shalqar aýdany, Qotyrtas aýyly, Mektep kóshesinde ornalasqan aýyl klýby otqa oranǵan.
«Aldymen shatyry jandy. Shaqyrtý ornyna aýdandyq órt sóndirý bóliminen 8 qyzmetker men 2 tehnika jedel túrde jiberildi. Órt saǵat 21: 50-de aýyzdyqtalyp, 22:10-da tolyq sóndirildi. Jalpy aýmaǵy - 187 sharshy metr», - dep habarlady Aqtóbe oblystyq tótenshe jaǵdailar departamentiniń baspasóz qyzmeti.
