Aqtóbede ataýly áleýmettik kómek alǵandardyń keibiri aqshany memleketke keri qaitaryp jatyr. Olardyń arasynda jeke kásipkerler de bar, dep habarlaidy "Ult aqparat".
Aqtóbe oblysy boiynsha ataýly áleýmettik kómek alǵan 3502 otbasynyń kirisi joǵary dep anyqtaldy. Onyń 849-na tólem toqtatylǵan.
«Tólem toqtatylǵan 43 otbasynan 4,6 million teńge aqsha keri qaitaryldy. 1706 otbasyna kómek berý ýaqytsha toqtatylyp, qaita esepteý júrip jatyr. Sonymen qatar 1221 otbasynyń tabysy men kirisi eseptelip, olarǵa ataýly áleýmettik kómek berý durys ekeni belgili boldy. Al oblys boiynsha ataýly áleýmettik kómek alǵan 162 jeke kásipker anyqtalǵan bolatyn. Ázirge naqty qansha qarjynyń aýdarylǵany belgisiz. Oblystyq memlekettik kirister departamentimen birlese jumys júrgizip, olardyń tabysy men kirisi anyqtalady», - dedi oblystyq jumyspen qamtý jáne áleýmettik baǵdarlamalar basqarmasy basshysy orynbasarynyń mindetin atqarýshysy Aqsulý Jubanazarova.
