Foto: freepik
Bul týraly "Nemolchi" qorynyń jetekshisi Dina Tańsári áleýmettik jelidegi paraqshasynda jariialady, dep habarlaidy «Ult aqparat» inbusiness.kz-ke silteme jasap.
Onyń aitýynsha, oqys oqiǵa týraly 3 jasar qyzdyń anasy jazǵan.
"Anasynyń aitýynsha, qyz ákesiniń týystaryna barǵan. Úiine kelgende kókesiniń tiiskenin aityp, shaǵym jasaǵan. Anasy balany aýrýhanaǵa aparǵan. Dáriger anýsta 2 santimetr syzat baryn rastaǵan. Qyzdyń anasy dereý politsiiaǵa aryz bergen, biraq kúdikti aqsha tóleidi dep qorqyp otyr. Onyń aitýynsha, ol buǵan deiin politsiia qyzmetkeri bolyp, tipti ákimdikte basshylyq qyzmette bolǵan. Ony aýyldaǵynyń bári biledi, ol jaqta tanysy kóp. Onyń ústine, anasy tergeý amaldaryna barýǵa qorqady, óitkeni ol óz ómiri men qyzynyń ómirine qaýiptenedi. Qyz psihologiialyq zaqym alǵan, muny psiholog rastady", - delingen jazbada.
