Búgin, 26 aqpanda saǵat 11:55-te Shalqar aýdanynyń Ulpan temir jol stantsiiasynda 43 vagon quramynyń 22 júk tsisternasy joldan shyǵyp ketti. Onyń ishinde 13 tsisterna aýdarylyp, uzyndyǵy 150 metr temir jol relsi zaqymdanǵan. Bul týraly QR TJM resmi ókili Talǵat Ýáli málim etti, dep habarlaidy QazAqparat.
Apat saldarynan qaza bolǵandar men zardap shekkender joq. Oqiǵa «Atyraý-Almaty» baǵytyndaǵy №42 jolaýshylar poiyzynyń keshigýine áser etti (Embi stansasynda ornalasqan). Qazirgi ýaqytta elektr energiiasyn toqtan ajyratý jáne jóndeý jumystary júrgizilýde.
Buǵan TJD (9 qyzmetker jáne 3 tehnika) jáne APB (2 qyzmetker jáne 1 tehnika), Qandyaǵash jáne Shalqar stantsiialarynan qq. «QTJ» AQ (2 qalpyna keltirý poiyzy jáne 49 qyzmetker), Qandyaǵash jáne Shalqar stantsiialarynan (2 órt sóndirý poiyzy 16 qyzmetker), JAO (3 qyzmetker jáne 2 tehnika) jumyldyryldy.
