Aqtóbe hrom qosyndylary zaýytyndaǵy 4 jumysshynyń ólimine qatysty istiń mán-jaiy anyqtaldy, dep habarlaidy "Ult aqparat" Polisia.kz saityna silteme jasap.
Eske sala keteiik, 2020 jyldyń 28 mamyrynda Aqtóbe hrom qosyndylary zaýytyndaǵy №4 tsehta 4 jumysshy kóz jumyp, ekeýi aýrýhanaǵa túsken bolatyn.
Atalǵan fakti boiynsha Aqtóbe oblystyq PD bólimshesi Qylmystyq kodekstiń 156-babynyń 4-bólimi «Abaisyzda eki nemese odan da kóp adamnyń ólimine ákep soqqan eńbekti qorǵaý erejelerin buzý» boiynsha qylmystyq isti tirkedi.
«Gidroksil» himiialyq zaty bolǵan 50 tekshelik syiymdylyqty tazalaý jumystaryn júrgizý barysynda qaýipsizdik tehnikasy erejeleri buzylǵan. QR QIJK 128-baby tártibinde kúdikti retinde ýchaske sheberi, bólim bastyǵy jáne №4 tseh bastyǵy ustaldy. Barlyq úsh adamǵa qatysty «Kúzetpen ustaý» bultartpaý sharasy qoldanyldy. Barlyq saraptama taǵaiyndaldy, qaýipsizdik tehnikasy boiynsha qujattar, nariad berý jýrnaldary, laýazymdyq nusqaýlyqtar alyndy. Tergeý júrgizilýde.
