Qazaqstandyq akter Asqar Iliiasov vaktsinatsiia pasportyn satyp alý múmkindigi týraly aitqan sózi úshin keshirim surady, - dep habarlaidy Tengrinews.kz.
Birneshe kún buryn Youtube-ta Asqar Iliiasovtyń bloger Timýr Balymbetovke bergen suhbaty shyqty. Onda ol vaktsinatsiiaǵa degen kózqarasyn aityp, pikir bildiredi.
"Eger elden shyǵý múmkin bolmasa, vaktsina alatyn shyǵarmyn. Múmkin para berip, pasportty satyp alaýym da múmkin. Kim biledi? Bári múmkin", - dedi ol.
Sondai-aq, Iliiasov pandemiia kezinde karantindi saqtamaǵanyn, jaǵdai shielenisip týrǵan kezde jabyq barlarǵa barǵanyn moiyndady.
Keiin akter Instagram-paraqshasynda aitqan sózderi úshin keshirim surady.
"Onda aitqandarym jeke oiym ǵana jáne ony kópshilikke aitqanym durys bolmady. Bul týraly jetkilikti bilmeimin, sondyqtan bilmeitin nárse týraly aitqanym jaýapsyzdyq. Vaktsinatsiia pasportyn satyp alý týraly aitqanym...aqymaqtyq boldy. Men pasportty satyp almaimyn. (...) Qoǵamnyń igiligi men densaýlyǵy úshin vaktsinatsiiany nasihattaityn adamdardan keshirim suraimyn", - dep jazdy akter.
Birneshe minýttan keiin ol jariialaǵan mátinin ózgertti.
"Meniń kózqarasym quzyrettilikten emes, sezimimnen qalyptasady. Vaktsinatsiia - bul árkimniń óz tańdaýy. Men bul týraly pikirimdi ózgertpedim, biraq ony basqalarǵa nasihattamaimyn", - dep qosty ol.
Dárigerler men ǵalymdardyń aitýynsha, vaktsinatsiia pandemiiamen kúresýdiń jalǵyz jáne tiimdi ádisi. Ujymdyq immýnitetti qalyptastyrý elde engizilgen karantin shekteýlerdi alyp tastaýǵa, sondai-aq halyqtyń aýrýshańdyǵyn tómendetýge múmkindik beredi.
