Aqtaýda qurylysshylar arasynda janjal shyqty, dep habarlaidy "Ult aqparat".
«Rixos Water World Aktau» qonaqúii aýdanynda salynyp jatqan nysan qurylysshylary arasynda janjal shyqty. Bul týraly oblystyq Politsiia departamentiniń baspasóz qyzmeti habarlaidy.
Vedomstvonyń baspasóz qyzmetiniń málimetinshe, jumysshylar arasyndaǵy qaqtyǵys 29 maýsymda shamamen keshki saǵat 19.20 kezinde qurylys alańynda bolǵan. Kásiporynnyń kúzet qyzmeti jáne qoǵamdyq tártipti qamtamasyz etetin politsiia qyzmetkerleri qurylys alańyndaǵy janjaldy toqtatqan.
«Oqiǵa ornynda kúzet bastyǵy, Aqtaý politsiia basqarmasynyń bastyǵy jáne óńirlik politsiia departamenti bastyǵynyń qatysýymen profilaktikalyq áńgime júrgizildi. Derek boiynsha janjalǵa qatysqan jumysshylardan araz-shaǵym túsken joq. Qazirgi ýaqytta jaǵdai turaqtalyp, baqylaýǵa alynǵan», - delingen habarlamada.
