Foto: depositphotos.com
Áleýmettik jelide Munaily aýdanyna qarasty "Adai" bazasy aýmaǵynda jolaýshy taksi júrgizýshisin óltirgeni týraly aqparat tarady, - dep habarlaidy «Ult aqparat» mangystaumedia.kz-ke silteme jasap.
Oqiǵa keshe túnde bolǵan. Taksi jolaýshyny alyp ketýge barǵanda sózi jaraspai tóbeles bastalyp ketken. Aqyrynda jolaýshy taksi júrgizýshisin óltirip, úiine ketip qalǵan. Jolaýshy da pyshaqtan jaraqat alǵan. Artynsha oblystyq aýrýhanaǵa túsken.
Al oblystyq kópbeiindi aýrýhananyń baspasóz qyzmeti keshe 1979 jyly týǵan naýqas ish qýysynyń pyshaq jaraqatymen túskenin málimdedi.
"Synama alynyp, keshe túnde 22:20-da ota jasaldy. Qazir jansaqtaý bóliminde jatyr", - dep habarlady Mańǵystaý oblystyq kópbeiindi aýrýhanasynyń baspasóz hatshysy.
Politsiia oqiǵaǵa qatysty túsinik berdi.
"Kisi óltirý deregi boiynsha qylmystyq is qozǵaldy. Kúdikti ustaldy. Tergeý múddesine bailanysty ózge aqparat jariia etilmeidi", - dep habarlady óńirdiń politsiia departamenti.
