Aqtaý turǵyny kassada umytyp ketken bank kartasyn erli-zaiyptylar iemdenip alyp, birneshe ret paidalanǵan dep oilaidy. Ol óziniń bank kartasy arqyly tólem jasalǵan ár jerdegi baqylaý kameralaryna túsirilgen videolardy kórgennen keiin osyndai tujyrym jasady, - dep habarlaidy Tengrinews.kz tilshisi Lada.kz saityna silteme jasap.
Baýyrjan esimdi bank kartasy iesiniń aitýynsha, 17 qarasha kúni "Shyǵys-2" yqshamaýdanyndaǵy sýpermarketke saýda jasaýǵa kelgen. Azyq-túlik aqysyn tólegennen keiin kassada kartasyn umytyp ketken. Eki saǵattan keiin mobildi qosymshaǵa kirip, esepshotynda nebári 400 teńge qalǵanyn bilgen. Buryn 10 myń teńgeden asa aqsha bolǵan. Ol birden kartasyn buǵattap tastaǵan. Er adam keiingi operatsiialardy qarap, onyń kartasyn Atameken kentindegi birneshe sýpermarkette jáne áleýmettik dárihanada qoldanǵanyn baiqaǵan. Osy sýpermarketterdiń birindegi kameraǵa túsirilgen kadrlardan qyzyl syrt kiim kigen áiel óziniń kartasymen aqsha tólep jatqanyn kóredi. Onyń qasynda balasy bar er adam bolǵan. Áleýmettik dárihanany izdeý nátijesi sátsiz boldy, biraq sýpermarkettegi kameralardan qyzyl syrt kiim kigen áieldiń kassada kartany qalai bergenin kórgen. Satýshy bul adamdardy tanitynyn aitqan.
