Eńbekmininiń aqshalai syiaqymen saýalnama júrgizetini týraly taratylyp jatqan aqparat jalǵan. Bul týraly atalǵan vedomstvonyń baspasóz qyzmetinen málim boldy, dep habarlaidy QazAqparat.
«Messendjerler men áleýmettik jelilerde taratylyp jatqan, iaǵni QR Eńbek jáne halyqty áleýmettik qorǵaý ministrligi 50 000 teńge mólsherindegi syiaqymen saýalnama júrgizetini týraly aqparat shyndyqqa sáikes kelmeidi. Eńbekmini messendjerler men áleýmettik jeliler arqyly azamattarǵa eshqandai saýalnama júrgizbeidi», - delingen vedomstvo habarlamasynda.
Osy oraida alaiaqtar mundai habarlamalardy akkaýntar men banktik shottarǵa qol jetkizý úshin paidalanýy múmkin ekeni azamattarǵa eskertildi.
«Alaiaqtyqtyń qurbany bolmas úshin eshbir jaǵdaida kúmándi siltemelerge ótpeýińizdi jáne onda ózińizdiń jeke derekterińizdi qaldyrmaýyńyzdy suraimyz. Azamattardan jalǵan aqparatqa nazar aýdarmaýdy jáne aqparatty tek resmi kózderden ǵana alýdy suraimyz. Jalǵan aqparatty taratý zań boiynsha jazalanatynyn eske salamyz», - dep atalyp ótken ministrlik málimetinde.
