Amerika Qurama Shtattarynyń Memlekettik hatshysy Maik Pompeo musylmandardy Qurban ait merekesimen quttyqtady, dep habarlaidy "Ult aqparat".
«Búkil musylmandar qajylyqtyń aiaqtalýynda atap ótetin Qurban ait merekesi qabyl bolsyn! Qurban ait merekesi - álem musylmandary ózderiniń otbasylarymen jáne dostarymen birlese, beibitshilik pen janashyrlyq rýhynda duǵa etetin ýaqyty. Osy kezeńde musylman qaýymdastyǵynyń músheleri niet etip, qaiyrymdylyq jasaidy, qiynshylyqtarǵa tap bolǵandarǵa jomarttylyq pen kómek jasaýdyń mańyzdylyǵyn kórsete biledi. Meiirimdiliktiń bul áreketteri bárimiz úshin úlgi bola alady. Memlekettik departament atynan merekeni toilaityn dúnie júzindegi dostarymyzǵa, seriktesterimizge jáne odaqtastarymyzǵa taǵy da shyn júrekten ulyq mereke múbarak bolsyn!», - delingen Qazaqstandaǵy AQSh elshiliginiń resmi paraqshasynda.
Aita keteiik, búgin - Oraza aittan keiin 70 kúnnen soń bastalyp, 3 kúnge sozylatyn Qurban ait merekesiniń alǵashqy kúni.
Qurban ait - álemdegi musylman qaýymnyń eń qasietti merekesi. Merekeniń úsh kúninde musylmandar qurban shalady.
