AQSh-tyń soltústik-shyǵysyndaǵy «Ida» daýyly saldarynan mert bolǵandar sany 45 adamǵa jetti. Bul týraly QazAqparat CNN telekompaniiasyna silteme jasap habarlaidy.
Eń qatty zardap shekken Niý-Iork jáne Niý-Djersi shtattarynda ondaǵan adam kóz jumdy. Pensilvaniia shtatynda da opat bolǵandar bar. Al buǵan deiin AQSh-tyń soltústik-shyǵysynda 29 adamnyń kóz jumǵany habarlanǵan edi.
Sársenbi kúni úsh shtattyń biligi «Ida» daýylyna bailanysty óz aýmaqtarynda tótenshe jaǵdai rejimin engizdi.
Birneshe saǵattyń ishinde Niý-Iorkte 15-25 cm jaýyn-shashyn túsken. Jergilikti turǵyndardyń telefondaryna sý basý jáne tornado qaýpi týraly habarlama kelgen. Brýklin men Kvins aýdandarynda jergilikti turǵyndar áleýmettik jelilerde kósheler, úiler, metropoliten stansalaryn sý basqany týraly jazdy. Nóser jaýyn saldarynan úsh qalalyq áýejai jumysy ýaqytsha toqtatylǵan, qalada ótip jatqan AQSh-tyń tennisten Ashyq chempionatynyń (US Open) birneshe matchy toqtatyldy.
