Daniialyq Bjarke Ingels Group (BIG) kompaniiasy AQSh-taǵy shóldiń ortasynda salynatyn Telos dep atalatyn bes million adamǵa arnalǵan qala qurylysyn júzege asyrý jobasyn usyndy, dep habarlaidy QazAqparat World Architecture Community-ge silteme jasap.
Qala jospary 12 myń gektardan bastalady, 10-20 jyl ishinde salynady. Aldaǵy 40 jyl ishinde qala halqy 5 million adamǵa deiin ósedi dep boljanýda. Alaida uiymdastyrýshylar 2030 jylǵa qarai 50 myń adamǵa arnalǵan qala qurýdy maqsat etip otyr. Telos qalasyn salý tyǵyzdyǵy ár gektarǵa shamamen 33 adamdy quraidy. Bul San-Frantsiskodaǵy qurylys tyǵyzdyǵyna teń. Telostyń alǵashqy turǵyndary 2030 jyly qonys aýdarady dep kútilýde.
Aita ketý kerek, 60,7 myń gektardan astam aýmaqqa nólden bastap qalany salý ideiasy kásipker Mark Lorǵa tiesili. Óz kezeginde jobamen daniialyq sáýletshi jáne BIG biýrosynyń negizin qalaýshy Biarke Ingels ainalysady.
Qala birneshe aýdanǵa bólinedi. Ǵimarattar ekologiialyq taza materialdardan turǵyzylady, qasbetteri ishinara ósimdiktermen jabylady, al avtonomdy kólik quraldary jol boiymen qozǵalady.
