AQSh densaýlyq saqtaý organdary koronavirýsqa qarsy Pfizer-BioNtech vaktsinasyn 5-11 jastaǵy balalarǵa salýǵa ruqsat berdi. Aýrýdy baqylaý jáne aldyn alý ortalyǵy 12-17 jastaǵy jasóspirimderge salynatyn doza mólsheriniń úshten bir bóligin 5-11 jastaǵy balalarǵa salýdy maquldady.
Úkimet pen Pfizer kompaniiasy vaktsinany dárihanalar men pediatr dárigerlerge taratýdy bastap ketken. Balalarǵa vaktsina salý naýqany resmi túrde 3 qarashada bastalady.
AQSh-ta koronavirýsqa qarsy vaktsina salynýy tiis 28 mln bala bar. Prezident Djo Baiden balalarǵa ekpe egý týraly aqparatty jyly qabyldap, ony indetpen kúresýdegi "iri qadam" dep atady.
Buǵan deiin Qytai, Kýba jáne Birikken Arab Ámirlikteri ǵana osy jastaǵy jáne odan da kishi balalarǵa koronavirýsqa qarsy vaktsina salýdy maquldaǵan.
Ulybritaniiada koronavirýspen kúres jónindegi bas keńesshilerdiń biri "koronavirýs daǵdarysy áli de sozyla beredi, álemdegi ahýal alańdatarlyq" dep málimdep ǵylymi-keńes tobynyń quramynan shyqqan.
