AQSh-tyń Ońtústik Karolina shtatyndaǵy Rok-Hill qalasynda bolǵan atys saldarynan kem degende bes adam, sonyń ishinde eki bala qaza tapty. Bul týraly Fox 13 telearnasy habarlady.
Quqyq qorǵaý organdarynyń qyzmetkerleri sársenbiniń keshinde turǵyn úide birneshe adamnyń mert bolǵany týraly habar alǵan soń, birden oqiǵa ornyna shyqty. Oq jaraqatyn alyp qaza tapqan bes adamnyń denesi tabyldy, sonyń ishinde egde jastaǵy er adam men áiel, olardyń nemereleri jáne úilerinde qyzmet etken er adam bolǵan.
Oqiǵa boiynsha tergeý amaldary jalǵastyp jatyr.
Iork okrýgi politsiiasynyń Twitter-degi paraqshasynda qylmys jasady degen kúdikke ilingen er adamnyń oqiǵa ornyna jaqyn mańdaǵy úilerdiń birinen tabylǵany habarlandy. Onyń ary qarai taǵdyry ne bolatyny jaiynda aqparat berilgen joq.
