AQSh-tyń Virginiia shtatynyń Norfolk qalasyndaǵy atys saldarynan úsh áiel mert bolyp, taǵy ekeýi jaraqat alǵan. Bul týraly sársenbi kúni jergilikti politsiia Twitter-degi paraqshasynda jazdy, dep habarlaidy QazAqparat.
Aldyn ala málimet boiynsha, turmystyq sipattaǵy janjal shyqqan. Kúdikti áýeli bir áielge, odan keiin oǵan kómekke asyqqandarǵa oq atqan.
Oq jaýdyrǵan er adamǵa izdeý jariialandy.
Sarapshylar qazirgi kezde AQSh-ta adam óltirý oqiǵalarynyń óte kóp ekenin aitady. Federaldyq tergeý biýrosynyń málimetinshe, 2020 jyly zorlyqpen adam óltirý oqiǵalary 30% artqan, bul rette 21 500-ten astam adamnyń qaza tapqany tirkelgen. Bul – sońǵy birneshe jylda adam óltirý oqiǵalarynyń eń úlken ósimderiniń biri.
