Foto: Azattyq
Qazaqstandyq quqyq qorǵaýshy Baqytjan Tóreǵojina AQSh memlekettik hatshysynyń "Batyl áiel" halyqaralyq syilyǵyn ielendi, dep habarlaidy "Ult aqparat" Azattyq radiosyna silteme jasap.
Bul syilyq 17 jyl qatarynan óz ómirin qaýipke tige otyryp, adam quqyǵyn qorǵaýmen ainalysqan áielderge berilip keledi.
Biyl marapattaý rásimi alǵash ret Aq úide ótpek. Oǵan Tóreǵojinadan bólek, álemniń ózge elderinen 10 áiel iriktelgen.
AQSh memlekettik departamenti qazaqstandyq quqyq qorǵaýshy Baqytjan Tóreǵojinanyń 25 jyl boiy adam quqyǵyn qorǵaýmen ainalysqanyn, 2022 jylǵy qańtardan beri Qańtar oqiǵasynyń qurbandaryna kómek berý jáne oqiǵa kezinde adam quqyǵy buzylǵanyn qujattaý jónindegi Qantar 2022 koalitsiiasyna jetekshilik etkenin atap ótken.
"Kásibi jolynda Tóreǵojina azaptaý, zorlyq-zombylyq jáne saiasi qýdalaý qurbandarynyń máselesin qozǵaýda belsendi boldy...
...Osy jumysty atqarǵany úshin qorqytyp-úrkitýge jáne harassmentke dýshar boldy. Onyń ondaǵan jylǵa ulasqan eńbegi quqyq qorǵaýshylardyń úkimetke jaýapkershilik júkteýde, adam quqyqtary men bostandyqtaryn nyǵaitýda zor ról atqaratynyn dáleldep otyr" - dep jazdy memlekettik departament.
Qazir Vashingtonda júrgenin aitqan Baqytjan Tóreǵojina bul syilyqty kásibi qyzmeti men Qańtar oqiǵasyn qujattaýdaǵy belsendiligi úshin alǵanyn málimdedi.
"Kýágerlermen jáne zardap shekkendermen júzdegen suhbat jazyldy, jappai oq atýdyń myńdaǵan qujaty, sýreti jáne videosy jinaldy. Bul jumysty bolashaqta eshkim tarihty burmalamasyn dep jasadyq..." dep jazdy quqyq qorǵaýshy.
