Ulybritaniia men EO elderi AQSh-tyń taiaý ýaqytta elge tolyq vaktsina alǵan sheteldikterdi kirgizýi týraly sheshimin quptap otyr, dep habarlaidy QazAqparat Euronews-ke silteme jasap.
Aita keteiik, AQSh biligi pandemiia bastalǵan kezde elge kirýge tyiym salǵan bolatyn.
Aq úidiń baspasóz hatshysy Djen Psaki bul málimetti bylai dep naqtylady: «Qarashanyń basynda biz koronavirýstyń taralýyna jol bermeý úshin AQSh-qa keletin jolaýshylarǵa qatań sharalar engizemiz. Bizdiń basty talabymyz – elge keletin barlyq azamattar tolyqtai vaktsina alýy tiis».
Britaniia premer-ministri Boris Djonson Týitterde Vashingtonnyń bul sheshimi biznes pen saýdanyń damýyna yqpal etetinin jazdy. «Burynǵy dostardyń qaita qaýyshatyny keremet boldy», - dep atap ótti ol.
Ázirge talaptardyń retteýi tiis biraz máseleleri bar. Mysaly, Ulybritaniiada kámelettik jasqa tolmaǵandar vaktsinanyń tek bir dozasyn alady, al AQSh buny qabyldai ma? Kóptegen eýropalyqtar saldyrǵan AstraZeneca vaktsinasy AQSh-ta resmi bekitilmegen.
