Aqordanyń Feisbýktegi paraqshasynda marapattalǵan tabiǵat qorǵaý inspektorlary Erlan Nurǵaliev pen Petr Nitsyktyń nagradalarynyń sýreti jariia etildi, dep habarlaidy "Ult aqparat".
Eske sala ketsek, qyzmettik boryshyn atqarý ústinde kórsetken erjúrektigi men janqiiarlyǵy úshin Elbasy Jarlyǵymen Aýyl sharýashylyǵy ministrligi Orman sharýashylyǵy jáne janýarlar dúniesi komitetiniń «Ohotzooprom» ÓB» RMQK Ortalyq óńirlik filialynyń inspektorlary - Erlan Balǵabekuly Nurǵaliev (marqum) jáne Nitsyk Petr Alekseevich III dárejeli «Barys» ordenimen marapattaldy.
Eske sala ketsek, inspektorlar Qaraǵandy oblysy Nura aýdanynyń aýmaǵynda kiik atqan «Toiota Lend Krýzer» kóligindegilerdiń sońyna túsedi. Olardy toqtatqanda, brakonerler «Ohotzooprom» ÓB» RMQK inspektorlary P.Nitsyk pen E.Nurǵalievti soqqyǵa jyqqan.
Aýyr jaraqat alǵan Erlan Nurǵaliev 15 qańtarda Astananyń №1 aýrýhanasynda kóz jumǵan edi.
Keiin Qyzylorda oblysyndaǵy arnaiy operatsiiasynyń nátijesinde jeke úilerdiń birinen Erlan Nurǵalievtiń ólimine qatysty úsh kúdikti ustaldy.
