Qaraǵandy oblysynda quqyq qorǵaý organdarynyń qyzmetkerleri Jáirem taý-ken baiytý kombinatyndaǵy janjalǵa qatysqan Jáirem kentiniń 7 turǵynyn ustady, dep habarlaidy "Ult aqparat".
Qaraǵandy oblystyq politsiia departamenti baspasóz qyzmetiniń málimetinshe, buzaqylyq áreketter jasady jáne bireýdiń múlkin urlady degen kúdikpen 22-33 jas aralyǵyndaǵy Jáirem kentiniń jeti turǵyny ustaldy. Olar óz kinálaryn moiyndap, ýaqytsha ustaý oqshaýlaǵyshyna qamaldy.
Eske salaiyq, 12 tamyzda Jáirem kentinde Jáirem taý-ken baiytý kombinatynyń jumysshylary janjaldasqan edi. Qaraǵandy oblystyq politsiia qyzmetkerleri tóbeleske qatysýshylarǵa qatysty sotqa deiingi tergeý jumystaryn bastady.
