Aqmola oblysynda tsifrlyq daǵdylardy damytýǵa, jastardyń zamanaýi digital-kásipterge degen qyzyǵýshylyǵyn arttyrýǵa jáne tsifrlyq tehnologiialar dáýirinde ómirge daiyndalýǵa baǵyttalǵan jobalar iske asyrylýda.
Óńir mektepterinde 2018-2019 jyldary 560 IT-synyp ashyldy. Serpindi damyp kele jatqan aqparattyq álem ýaqytynda IT-synyptarda arnaiy oqý baǵdarlamasy boiynsha 15 000-nan astam oqýshy óz oi-órisin keńeite alady, dep habarlaidy Aqmola oblysynyń ishki saiasat basqarmasy.
Oqýshylar sabaq barysynda baǵdarlamalaý daǵdylaryn úirenedi, qarapaiym algortimder qura alady, Web-saittar, kompiýterlik oiyndar jáne eýropalyq bilim berý standarttary boiynsha animatsiialar jasaidy.
Sonymen qatar, jyl saiyn qalalyq jáne aýdandyq mektepterdiń pedagogtary IT–synyptarynda sabaq berý ádistemesi boiynsha biliktilikti arttyrý kýrstarynan ótedi.
«IT kabinetterinde baǵdarlamalaý, robototehnika sabaqtary úshin barlyq jaǵdai jasalǵan. Atap aitqanda: joǵary jyldamdyqty internetke qosylatyn kompiýterler jáne 3 D – printerler ornatylǵan. Jas aqmolalyqtar sabaqqa qýana qatysady», - dep atap ótti bilim basqarmasynda.
Ótken jyly óńirde IT - bilim berýdi damytýdyń qadamy - 900 oryndyq memlekettik tilde oqytatyn IT mektep-litseiin ashý boldy. Sonymen qatar, aǵymdaǵy jyly Býrabai aýdanynda 800 oryndyq It - litsei ashý josparlanýda.
Bilim berý salasyndaǵy it baǵytynyń damýy óz jemisin berýde. 2018 jyly aqmolalyqtar «Kazakhstan Robotics Challenge 2018» (I oryn), «Roboland Kazakhstan 2018» halyqaralyq festivalinde (II jalpy komandalyq oryn), «World Robotics Olympiad» óńirlik baiqaýynda (I,II,III oryn) júldeli oryndarǵa ie boldy.
Aita keteiik, oblysta 136 robototehnika kabineti, 1500 oqýshyǵa arnalǵan eki innovatsiialyq tehnopark, sondai-aq Abai Myrzahmetov atyndaǵy Kókshetaý ýniversiteti jáne Joǵary kolledj janynda qazirgi zamanǵy materialdyq-tehnikalyq bazamen jabdyqtalǵan eki IT-ortalyq jumys isteidi.
