Foto: Aqmola oblystyq PD
Aqmola oblysyndaǵy Ekaterinbýrg-Almaty tas jolynda iri jol apaty bolyp, bes adam qaza tapty, dep habarlaidy «Ult aqparat» oblystyq PD silteme jasap.
28 sáýirde saǵat 23:51 shamasynda Astrahan aýdany Jaltyr aýylynyń mańynda Atbasar qalasy baǵytynda kele jatqan Mercedes-Benz E200 markaly kólik pen Jaqsy aýylynan Astana baǵytynda kele jatqan «VAZ-2107» kóligi soqtyǵysty.
Jol-kólik apatynyń saldarynan 5 adam oqiǵa ornynda qaza tapsa, 2 adam ár túrli aýyrlyqtaǵy dene jaraqatyn aldy.
Atalǵan derek boiynsha politseiler Qylmystyq kodekstiń 345-baby 4-bóligi (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy) boiynsha sotqa deiingi is qozǵady.
