Aqmola oblysynda vaktsinanyń ekinshi komponentin 200-ge jýyq meditsina qyzmetkeri aldy, dep habarlaidy "Ult aqparat".
«QazCovid-In» ekinshi vaktsinasy – Qaraǵandy farmatsevtikalyq zaýytynyń ónimi. Reseilik «Spýtnik V» vaktsinasynan aiyrmashylyǵy tek ataýynda ǵana, ózge aiyrmashylyǵy joq. Ár qutyda bes adamǵa arnalǵan doza bar», - deidi Aqmola oblystyq densaýlyq saqtaý basqarmasy basshysynyń orynbasary Nariman Syzdyqov.
Basqarma basshysynyń aitýynsha, búgingi tańda aqmolalyq dárigerlerge elimizde óndirilgen vaktsinanyń ekinshi dozasyn salý jumystary júrgizilýde.
«Oblysymyzda vaktsinanyń ekinshi komponenti 200-ge jýyq meditsina qyzmetkerine salyndy. Taǵy 1300 adamǵa ekinshi komponentin alyp, vakitsinalaýdyń tolyq satysynan ótkiziledi. Budan bólek, birinshi kezeńi boiynsha pedagogtarǵa jáne kúsh qurylymdarynyń qyzmetkerlerine vaktsina salý jumystary qatar júrgizilýde», – dep tolyqtyrdy Nariman Syzdyqov.
Aita keteiik, Aqmola oblysynda vaktsina salý jumysy 24 egý pýnktinde júrgizilýde. Keiinirek taǵy egý kabinetteri men kóshpeli brigadalardy iske qosý josparlanýda. 1104 meditsina qyzmetkeri jumysqa tartylyp, daiyndaldy.
