Aqmola oblysynda áleýmettik salaǵa (mádeniet, bilim, ishki saiasat) jaýapty jáne «Rýhani jańǵyrý» baǵdarlamasyn iske asyrýǵa qatysatyn memlekettik mekemelerdiń mamandaryna arnalǵan seminarlar bastaldy.
Jobany «Rýhani jańǵyrý» sanasyn jańǵyrtý baǵdarlamasynyń negizgi baǵyttary men arnaiy jobalaryn túsindirý jáne ony júzege asyrýdyń tiimdi joldary men ádisterin qoldaný maqsatynda «Bolashaq bizdiń qolymyzda» korporativtik qory júzege asyrady.
Alǵashqy seminar Bulandy aýdanynda ótti. Onda Aqkól aýdany, Birjan sal aýdany jáne Stepnogorsk qalasynyń ókilderi qatysty. Tselinograd aýdanynda ótken seminar Aqmola oblysynyń 7 aýdanyn, atap aitsaq, Arshalyn, Astrahan, Shortandy, Egindikól, Ereimentaý, Korgaljyn aýdandaryn qamtydy.
Seminarǵa «Rýhani Janǵyrý» Qoǵamdyq damý institýtynyń joba menedjeri Maqenbaeva Sharbat Qalkenqyzy (Nur-Sultan q.) qatysyp, «Rýhani jańǵyrý» baǵdarlamasyn júzege asyrýdyń tiimdi jáne praktikalyq quraldary týraly aitty.
Seminar keshe Kókshetaý qalasynda jalǵasyp, oǵan memlekettik organdardyń 30 mamany qatysty. Aqmola oblysy ishki saiasat basqarmasynyń bas mamany Sembi Ádilet arnaiy jobalardy júzege asyrýdyń erekshelikteri týraly aitty. Teoriialyq bilimdi bekitý boiynsha sheberlik sabaǵyn «Rýhani jańǵyrý» baǵdarlamasyn júzege asyrý boiynsha joba tobynyń múshesi Arkonova Maral Tólegenqyzy belsendi ótkizdi.
Bul sharanyń kelesi núktesi – Jaqsy aýdany, oǵan Atbasar, Esil, Jarqaiyn aýdandarynyń mamandary jinalady. Qatysýshylardyń pikirinshe, mundai seminarlar praktikalyq turǵydan paidaly jáne jańa tásilderdi damytýǵa ǵana emes, sonymen qatar «Rýhani jańǵyrý» baǵdarlamasyn júzege asyrýda tájiribe almasýǵa da septigin tigizedi.
