Búgin Kókshetaýda Aqan seri atyndaǵy joǵary mádeniet kolledjiniń jańa oqý korpýsy ashyldy. Saltanatty rásimde Aqmola oblysynyń ákimi Ermek Marjyqpaev kolledjge aty berilgen uly aqynnyń eskertkishine gúl shoqtaryn qoidy.
«Memleketimizdiń bilim berý saiasatyndaǵy basty baǵyt ekonomikanyń jetekshi salalary úshin mamandar daiarlaý bolyp tabylady. Jańa oqý korpýsynyń ashylýy — barshamyz úshin mańyzdy oqiǵa. Bul elimizde bilim men mádenietke basa nazar aýdarylyp otyrǵanyn kórsetedi», — dedi óńir basshysy óziniń quttyqtaý sózinde.
Oblysta «Jas maman» jobasy júzege asyrylýda, onyń sheńberinde 10 kolledjdiń materialdyq-tehnikalyq bazasy jaqsartylady. Zamanaýi oqytý jabdyqtaryn satyp alýǵa 30 mln teńgeniń sertifikatyn tapsyryp, Ermek Marjyqpaev kolledj stýdentteri men oytýshylary aǵa urpaqtyq ozyq dástúrlerin jalǵastyratynyna jáne oqytý qyzmetinde innnovatsiialyq tehnologiialardy paidalanatynyna senimin bildirdi.
Kolledjdiń jańa ǵimaratynda zamanaýi keń oqý aýditoriialary, 240 oryndyq 2 akti zaly, kitaphana kesheni, ashana, sport jáne trenajer zaldary, horeografiia sabaǵyna arnalǵan zal jáne aýlasynda sport alańy bar.
Ótken jyldyń reitingi boiynsha kókshetaýlyq medeniet kolledji respýblikamyzdyń mádeniet jáne óner salasyndaǵy oqý oryndary arasynda úzdik dep tanyldy. Onyń túlekteri suranysqa ie jáne mamandyqtary boiynsha Qazaqstannyń ár óńirlerinde, sondai-aq alys-jaqyn shetelderde jumys isteidi.
Sol kúni oblys ákimi Ermek Marjyqpaev qalalyq ádebiet jáne óner mýzeiin rekonstrýktsiialaý barysymen tanysty. Merdigerler jumysqa shilde aiynda kirisken. Qazirgi ýaqytta demontaj tolyq júrgizilip, qarasha aiyna deiin qasbetin dekarativtik material — travertinmen árleýdi, aýmaǵyn abattandyrý jáne ǵimarattyń ishin árleý jumystaryn aiaqtaý josparlanyp otyr. Zaman talabyna sai ekspozitsiialyq zaldardy rekonstrýktsiialaý da josparda bar. Jobanyń tujyrymdamasy Shoqan Ýálihanov atyndaǵy tarih jáne etnografiia institýtymen kelisilgen.
