Belgisiz bireýler ekinshi deńgeili banktiń málimetter bazasyn buzyp, bes adamnyń esepshotynda jatqan aqshany basqa jerge aýdaryp alǵan, dep habarlaidy Aqmola oblystyq politsiia departamenti.
Qazirgi kezde osy iske qatysy bar degen kúdikpen bir adam ustaldy.
Resmi málimetke sáikes, politsiiaǵa banktiń ókili aryzdanǵan. Onyń aitýynsha, hakerler jeke tulǵalardyń málimetter bazasyna kirip, aqshany jalǵan esepshotqa aýdaryp qoiǵan.
Shyǵynnyń kólemi aitylmai otyr.
"Osy qylmysqa qatysy bar degen kúdikpen bir adam ustaldy. Aqmola oblysy politsiiasynyń kriminaldyq basqarma qyzmetkerleri ony "Hi-tech" shuǵyl aldyn alý sharasy aiasynda qolǵa túsirgen", - deidi politseiler.
Qazirgi kezde Qylmystyq kodekstiń 190-baby, 2-tarmaǵy boiynsha (Alaiaqtyq, adamdar tobynyń aldyn ala sóz bailasýymen) sotqa deiingi tergeý sharalary bastaldy.
