Foto: Alina Týleýbaeva/Kazinform
Aqmola oblysynda 24 jastaǵy qyz qaraýsyz qalǵan úidiń toǵyzynshy qabatynan sekirip, sýitsid jasady, dep habarlaidy Aqmola oblysy Politsiia departamenti baspasóz qyzmeti.
Vedomstvonyń málimetinshe, qaiǵyly jaǵdai 5 aqpanda Býrabai kentinde bolǵan.
«Biylǵy jyldyń 5 aqpanynda Býrabai aýdanynda bolǵan qyzdyń óz-ózine qol salý deregine bailanysty Qylmystyq kodekstiń 105-baby 1-bóligi (sýitsidke deiin jetkizý) boiynsha sotqa deiingi tergeý bastaldy. Aldyn-ala anyqtalǵandai, Býrabai aýylynyń 24 jastaǵy turǵyny qaraýsyz qalǵan úidiń 9-shy qabatynan sekirip, sýitsid jasaǵan. Oqiǵa shamamen saǵat 19:30 boldy», -dep túsindirdi Kazinform tilshisiniń saýalyna vedomstvonyń baspasóz qyzmetinen.
Qazirgi ýaqytta tergeý aiasynda sýitsid jasaǵan adamnyń týystary men tanystary anyqtalyp, bolǵan oqiǵanyń mán-jaiy tekserilýde.
Aita ketsek, budan buryn Aqmola oblysynda qoǵam belsendisin óltirgender sottalǵanyn jazǵan edik.
