Aqmola oblysy Ashyq pilottyq jobasyna qosyldy, dep habarlaidy "Ult aqparat" óńirdiń sanitarlyq-epidemiologiialyq baqylaý departamentiniń baspasóz qyzmetine silteme jasap.
Vedomstvonyń málimetinshe, Ashyq mobildi qosymshasy eldegi epidemiologiialyq jaǵdaidy baqylaý úshin jasalǵan. Onyń kómegimen qoǵamdyq oryndarǵa kirý kezinde kelýshiniń mártebesi anyqtalady. Aqmola oblysy sanitarlyq-epidemiologiialyq baqylaý departamentiniń basshysy Ainagúl Mýsina men departament basshysynyń orynbasary Sáýle Sádýaqasova alǵashqynyń biri bolyp telefonǵa osy mobildi qosymshany ornatyp, óz baǵasyn berdi.
«QR Bas memlekettik sanitarlyq dárigeriniń 2021 jylǵy 14 sáýirdegi № 13 qaýlysyna sáikes Ashyq pilottyq jobasyna Aqmola oblysy da qosyldy. Qosymsha PTR-dyń jalpy bazasymen biriktirilgen, bul jeke tulǵanyń kontaktisi nemese naýqastar sanatyna jatatyndyǵyn dál anyqtaýǵa múmkindik beredi», - dep túsindirdi A.Mýsina.
Vedomstvodan atap ótkendei, qosymsha jumysynyń máni árbir kásipkerlik sýbektisine jeke QR kod beriledi (nysanǵa, eger kirý orny birnesheý bolsa kod olardyń árqaisysyna beriledi). Kelýshi qosymshany júktep alady jáne QR kodty skanerlegen kezde úi-jaiǵa kire beriste olardyń mártebesi infektsiianyń tasymaldaýshysy retindegi qaýiptilik deńgeii anyqtalady.
«Jeke tulǵa úshin barlyǵy tórt mártebe qarastyrylǵan: qyzyl, sary, kók jáne jasyl. Qyzyl mártebe qozǵalysty shekteýdi, ambýlatoriialyq baqylaýdaǵy adamdar úshin úidie oqshaýlaýdyń qatań rejimin saqtaýdy bildiredi. Sary - qozǵalysty ishinara shekteý-paidalanýshy PTR derekqorynda naýqaspen bailanysty tulǵa retinde kórsetilgen: patsient úiden oqshaýlaý rejimin saqtaityn jerden 500 metrden aspaityn azyq-túlik jáne apparattyq dúkenderge, dárihanaǵa barýǵa ruqsat etiledi. Kók mártebe úshin PTR mindetti bolatyn jerlerden basqa qozǵalys shekteýi joq. Jasyl kúi qozǵalysta eshqandai shekteý joq ekenin bildiredi jáne bul paidalanýshy derekqorda COVID teris nátijesi bar PTR testileýden ótken adam retinde kórsetilgen. Ashyq qosymshasyn paidalaný kásipkerlik sýbektilerin sanitarlyq normalardy saqtaýdan bosatpaidy. Biraq sonymen birge kelýshilerdiń juqtyrý qaýpi az bolady», - dep túsindirdi departament.
