Shyǵys Qazaqstandaǵy 221 sailaý ýchaskesinde aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin sailaý boiynsha daýys berý aiaqtaldy, dep habarlaidy "Ult aqparat".
Oblystyq sailaý komissiiasynyń tóraǵasy Ersaiyn Nábievtiń málimetinshe, sailaýshylardyń sailaý ýchaskelerine kelýi 90,9 paiyz bolǵan.
Qazir sailaý ýchaskeleri óz jumysyn aiaqtaǵanyna qaramastan, politsiia qyzmetkerleri kúsheitilgen rejimde qyzmet atqarýda. ShQO politsiia departamenti ákimshilik politsiia basqarmasynyń bastyǵy Ernar Bazarov ýchaskelerdegi qoǵamdyq tártipti saqtaýǵa barlyǵy 800-den astam politsiia jumyldyrylǵanyn atap ótti. Politsiia qoǵamdyq tártipti saqtaýmen qatar qyzmetkerleri biýlletender men hattamalardyń saqtalýyn, olardyń aýdandyq komissiialarǵa jetkizilýin qamtamasyz etedi.
Oblystyq qoǵamdyq densaýlyq saqtaý departamenti basshysynyń orynbasary Ǵalymbek Alinniń aitýynsha, barlyq sailaý ýchaskelerinde sanitarlyq talaptar saqtalǵan, daýys berýge kelgenderdiń arasynda koronavirýs simptomy bar adam bolmaǵan.
