Shyǵys Qazaqstan oblysynyń ákimi Danial Ahmetov Qainar aýylyna jumys saparymen baryp, onda áleýmettik mańyzy bar nysandardyń jai-kúiimen tanysty, - dep habarlaidy "Ult aqparat" Arnapress.kz saityna silteme jasap.
Ákim aralaǵan áleýmettik nysandardyń qatarynda Qainar aýylyndaǵy ortalyq aýrýhana da bolǵan. Ahmetov aýrýhananyń kútimi men qyzmet sapasyna taǵylar syn kóp ekenin aitty.
Áleýmettik jelide taraǵan videoda ol meditsinalyq mekemeni aralaý kezinde shkaftardyń birin ashyp kórgisi keledi. Osy kezde onyń esigi julynyp qalady.
"Qaraóleń aýyldyq okrýginiń 2500 turǵynyna qyzmet etetin aýrýhananyń kútimi men qyzmet sapasyna taǵylar syn kóp. Dári saqtalatyn qarapaiym jihazdyń esigi synyp jatyr, ókinishtisi, meiirbikeler ony jasyryp álek. Naýqastar jatatyn bólmelerde sý joq, esikteriniń tutqasy túsip, áreń ashylyp, jabylady", - dep atap ótti Ahmetov.
Ol biýdjetten jóndeý jumystaryn júrgizip, qajetti qural-jabdyqtardy alýǵa qarajat bólinetinin aitty.
"Ýltra-dybystyq zertteý qurylǵysy eskirgen eken, tez arada jańasyn alyp berýdi tapsyrdym. Densaýlyq saqtaý basqarmasy sondai-aq, perzenthana ashý jumysyn bastaýy qajet", - dep túiindedi óńir basshysy.
Eske sala keteiik, buǵan deiin Jambyl oblysynyń ákimi Berdibek Saparbaevtyń halyqpen kezdesýi kezinde Qazaqstannyń eltańbasy minbeden qulap túskeni habarlanǵan bolatyn.
