Qazaqstan Ulttyq ǵylym akademiiasynyń akademigi, Memlekettik syilyqtyń laýreaty, Qazaqstannyń eńbek sińirgen ǵylym qairatkeri, kórnekti ádebiet synshysy Serik Qirabaev 95 jasyna qaraǵan shaǵynda ómirden ótti.
Qaraly habardy aqyn Serikzat Dúisenǵazy Facebook jelisindegi paraqshasynda jetkizdi.
Serik Smaiyluly Qirabaev 1927 jyly 23 naýryzda Qaraǵandy oblysy, Jańarqa aýdany, Atasý aýylynda týǵan.
1951 jyly Abai atyndaǵy Qazaq pedagogikalyq institýtyn bitirgennen keiin aspirantýrada oqi júrip, Qazaqtyń memlekettik kórkem ádebiet baspasynyń aǵa redaktory, «Ádebiet jáne iskýsstvo» jýrnalynyń bólim meńgerýshisi bolyp istegen.
952–1955 jyldary «Pioner» jýrnalynda redaktor, 1955–1958 jyldary. «Sotsialistik Qazaqstan» (qazirgi «Egemen Qazaqstan») gazetinde meńgerýshi, redaktsiialyq alqa múshesi boldy.
1958 jyldan Abai atyndaǵy Qazaq pedagogikalyq institýtynda 30 jyl boiy dotsent, professor, filologiia fakýltetiniń dekany, qazaq ádebieti kafedrasynyń meńgerýshisi, institýt rektorynyń oqý isin basqaratyn orynbasary qyzmetterin atqardy.
1988–1995 jyldary Qazaq KSR ǴA-nyń M.O.Áýezov atyndaǵy Ádebiet jáne óner institýtynyń direktory, keiinnen bólim meńgerýshisi boldy.
Filologiia ǵylymynyń doktory (1964), professor (1966), KSRO Pedagogika ǵylymdary akademiiasynyń korrespondent-múshesi (1968), QR UǴA-nyń akademigi (1994), Qazaqstan jáne Qyrǵyzstan respýblikalary ǵylymynyń eńbek sińirgen qairatkeri (1977, 1995), Qazaqstan Respýblikasy Memlekettik syilyǵynyń iegeri (1996).
Qazaq ádebietiniń ózekti máselerine arnalǵan syn maqalalary men retsenziialary 1948 jyldan bastap jaryq kóre bastady. Sodan bergi ýaqytta 800-den astam ádebi-syn ǵylymi maqalalary men eńbekteri jaryq kórdi.
Qazaq KSR Joǵarǵy Keńesiniń «Qurmet» Gramotasymen, KSROnyń «Eńbek Qyzyl Tý» Ordeni, KSROnyń «Halyqtar Dostyǵy» Ordenimen marapattalǵan.
1994 jyly Qazaqstan Respýblikasynyń Ulttyq ǵylym akademiiasynyń akademigi, 1995 jyly «Qyrǵyz Respýblikasynyń Eńbek sińirgen ǵylym qairatkeri ataǵy berildi.
1996 jyly Qazaqstannyń memlekettik syilyǵynyń iegeri atandy.
2005 jyly «Qazaqstannyń eńbek sińirgen qairatkeri» qurmetti ataǵynyń iegeri.
2007 jyldyń 30 naýryzynda QR Tuńǵysh prezidenti – Elbasy Nursultan Ábishuly Nazarbaevtyń jeke qabyldaýynda bolyp, qazaq ǵylymyna sińirgen airyqsha eńbekteri úshin elimizdiń eń joǵarǵy «Otan ordeni» men marapattady.
2012 jyly II dárejedegi «Barys ordeni» men marapattaldy.
