Omikron-shtamm tabiǵattyń ózi jasaǵan tiri vaktsina bolýy múmkin. Bul týraly Resei ǵylymdar akademiiasynyń korrespondent múshesi, virýsolog, V. A. Engelgardt atyndaǵy molekýliarlyq biologiia institýtynyń zerthana meńgerýshisi Petr Chýmakov málimdedi, dep habarlady Sputnik agenttigi Ura.ru basylymyna silteme jasap.
"Bul degenimiz, koronavirýstyń osy shtamymen aýyryp jazylǵan adamdarda sonyń basqa nusqalaryna qarsy qorǵanys kúsheiedi", — deidi Chýmakov.
Ǵalymnyń aitýynsha, omikronnyń arqasynda álem lokdaýndy umytady. Alaida jańa shtamm koronavirýstyń basqa shtamdaryn yǵystyra ma, joq pa, ol jaǵy ázirshe belgisiz.
Aita keteri, qazannyń sońynda Botsvana jáne Ońtústik Afrika Respýblikalarynda koronavirýstyń jańa shtamy anyqtalǵan bolatyn.
Ǵalymdardyń oiynsha, SARS-CoV-2 genomyndaǵy jańa ózgeristerdiń basym bóligi omikron-shtamnyń asa juqpaly ekenin kórsetip otyr. Virýs aýyryp jazylǵandar men ekpe alǵandardyń antidenesin ainalyp ótýi de múmkin. Ázirge zertteýdiń naqty nátijesi shyqqan joq.
Mamandardyń boljamyna sáikes, B.1.1.529 shtamy áý basta immýniteti álsiz adamnyń aǵzasynda paida bolǵan. SPID nemese VICh-pen aýyratyndardan taraǵan bolýy múmkin.
Dúniejúzilik densaýlyq saqtaý uiymy shuǵyl jinalys shaqyryp, B.1.1.529 shtamyna qatysty alańdaýshylyq bildirdi. Oǵan "omikron" degen ataý berildi. Qazirgi kezde Eýropa odaǵy men basqa da elder keibir Afrika memleketterinen adam kirgizýge tyiym salyp otyr. Onyń ishinde Qazaqstan da bar.
