Air Astana áýe kompaniiasynyń baspasóz qyzmeti ushaqqa «bomba» qoiylǵany týraly aqparatqa qatysty málimetpen bólisti, dep habarlaidy QazAqparat.
«2021 jyldyń 18 qarashasy kúni saǵat 20:45-te Air Astana áýe kompaniiasyna kórshiles eldiń aýmaǵy arqyly ótetin áýe baǵdarynda qaýiptiń bar ekendigi týraly habarlama tústi. Anonimdi habarlamada áýe kompaniiasynyń ataýy da, reis nómiri, datasy jáne ýaqyty da kórsetilmegen. Áýe kompaniiasy qaýipsizdik is-sharalaryn shuǵyl kúsheitip, óziniń barlyq reisteriniń ushyp kelý jáne ushyp ketýi kezinde qosymsha tekserý jumystaryn júrgizdi.
Qaýip týraly aqparat dáleldengen joq. Barlyq material tiisti is-shara qabyldaý úshin quqyq qorǵaý organdaryna jiberildi», - dep atap ótedi áýe kompaniiasynyń baspasóz qyzmetinen.
Aita keteiik, búgin QR Indýstriia jáne infraqurylymdyq damý ministrliginiń baspasóz qyzmeti belgisiz adamnyń «Pýlkovo - Nur-Sultan» baǵytyndaǵy ushaqqa bomba qoiylǵanyn habarlaǵany týraly aqparat taratqan bolatyn.
