QR Aqparat jáne qoǵamdyq damý ministrliginiń uiymdastyrýymen turmystyq zorlyq-zombylyqqa qarsy kúres sharalary talqylanýda, dep habarlaidy "Ult aqparat".
QR Aqparat jáne qoǵamdyq damý ministri Aida Balaevanyń sózine qaraǵanda, álemdik problema jyl saiyn bizdiń qoǵamda da ózekti bolyp otyrǵany ókinishti jaǵdai. Epidemiia bastalǵaly jáne karantindik sharalar engizilgen ýaqytta úidegi zorlyq-zombylyq 20 paiyzǵa artqan.
«Bul jaǵdai bizdi alańdatyp otyr. Úidegi zorlyq-zombylyq qoǵamdyq rezonansty qalyptastyratyny anyq. Kún saiyn BAQ-ta jáne áleýmettik jelide otbasylyq sumdyq janjaldardyń oqiǵalaryn kóremiz. Osy janjdaldar tragediiamen aiaqtalyp, balalar jetimdiktiń taýqymetine tap bolyp jatady», - dedi A. Balaeva.
Osy oraida ministr bul máseleni sheshýmen júieli túrde memleket ainalysyp jatqanyn jetkizdi. Pandemiia bastalǵannan beri otbasylyq janjal shyǵarǵyshtardan zardap shegýshilerdi qorǵaý úshin 37 myńǵa tarta qorǵaý uiǵarymy shyǵarylyp, quqyq buzýshylarǵa qatysty 5 myńnan astam arnaiy talap bekitilgen.
Vedomstvo basshysynyń aitýynsha, osy máselede tek quqyqtyq sharalar jetkiliksiz, iaǵni, júieli qoǵamdyq jumys kerek. Bul turǵyda ÚEU-nyń, sarapshylyq qoǵamdastyqtyń, kásibi psihologterdiń, sondai-aq basqanyń otbasylyq baqytyna bei-jai qaramaityndardyń ortaq kúsh-jigeri kerek.
«Elimizde turmystyq zorlyq-zombylyqtan zardap shekkenderge qoldaý jasaityndar az emes. Osy adamdar bul baǵyttaǵy jaǵdaidy jaqsartý úshin naqty usynystar jasaýda», - dedi A. Balaeva.
