Búgin Vitse-premer Eraly Toǵjanov Qazaqstan Prezidenti Qasym-Jomart Toqaev reformalar jónindegi joǵary keńeste bekitken Ulttyq jobalardy iske asyrý tetikteri boiynsha Almaty qalasynyń shyǵarmashylyq ziialy qaýymy ókilderimen kezdesý ótkizdi. Kezdesýde «Ulttyq rýhani jańǵyrý» baǵyty boiynsha Aqparat jáne qoǵamdyq damý ministri Aida Balaeva, Mádeniet jáne sport ministri Aqtoty Raiymqulova, Bilim jáne ǵylym vitse-ministri Sholpan Karinova baiandady, dep habarlaidy QazAqparat.
«Ulttyq jobalardyń barlyǵy da tutas qoǵamnyń rýhani damýyna baǵyttalǵan ulttyq máseleler. Bul jobalar negizinen halyqtyń jas erekshelikterine qarai toptastyryp, naqty aýditoriiaǵa arnalyp otyr. Máselen, bala-baqshalar men bastaýysh mektep balalaryna – «Ulttyq tárbie» jobasy, orta mektep oqýshylaryna arnalǵan – «Aqyldy urpaq» , joǵary synyp oqýshylary men stýdent jastardy qamtityn – «Kemel bolashaq» jobalary naqty jastar aýditoriiasyna baǵyttalady», dedi ministr Aida Balaeva. Budan bólek, vedomstvo basshysy «Ulttyq Rýhani jańǵyrý» Ulttyq jobasynyń Úshinshi negizgi baǵyttarynyń biri - «Táýelsizdik Urpaqtary» baǵytyna da toqtalyp ótti . Onyń aitýynsha,joba 2025 jylǵa deiin jastardyń negizgi bazalyq suranystary: turǵyn úi máselesi, jumyspen qamtý, sapaly bilim berý, belsendi jastardy qoǵamdyq isterge tartý, jastardyń startap-jobalaryn qoldaý boiynsha «Táýelsizdik urpaqtary» granttaryn bólý, ekologiialyq saýattylyqty arttyrý sekildi máselelerdi sheshýdi qarastyrady.
«Jalpy, «Táýelsizdik Urpaqtary» baǵyty boiynsha:
- 2025 jylǵa deiin volonter jastardyń sanyn 2 millionǵa deiin arttyrý;
- «Jasyl El» jobasy aiasynda 30 myńnan astam qala jáne aýyl jastaryn jumyspen qamtý;
- jumyssyz júrgen jáne oqý oqymaityn NEET sanatyndaǵy jastar úlesin 5%-ǵadeiin tómendetý;
- jastar uiymdaryna arnalatyn jobalardy qarjylandyrý kólemin 1,5 esege arttyrý; sonymen qatar,
- 2025 jyly – 1,2 million jastardy jappai buqaralyq sportpen ainalysýynqamtamasyz etý naqty kózdelgen.
Bul atalǵan jobalardyń barlyǵy Respýblikanyń ár óńirinde bar Jastar resýrstyq Ortalyqtary arqyly júzege asatyn bolady.
Ministrdiń málimetine sáikes, qazirgi tańda otandyq arnalarda tarihi-tanymdyq baǵyttaǵy 30-dan astam arnaiy baǵdarlama bar. Sonymen qatar, tarihi serialdar túsirý jobasy qolǵa alynǵan. Al, memlekettik telearnalardaǵy baǵdarlamalar men serialdyq ónimderdiń 30%-y tarihi taqyrypta. Máselen, tarihi-tanymdyq baǵyttaǵy «Jumabek Táshenov», «Domalaq Ana», «Sarai syry», «Jambyl Jabaev»syndy tarihi tulǵalarǵa arnalǵan 13 teleserial kórermen nazaryna usynylǵan.
Atalmysh jobalardy nazarǵa ala kele, kezdesý sońynda, el rýhaniiatynyń belsendileri, ziialy qaýym ókilderi bul aýqymdy Jobalar bútin bir Eldiń aldynda turǵan ortaq mindet ekenin atap ótip, Qazaqstandyqtardyń ómir súrý sapasyn jaqsartýǵa jáne ekonomikanyń básekege qabilettiligin arttyrýǵa baǵyttalǵan ulttyq jobalardy sapaly júzege asyrý úshin birlesip jumys jasaýǵa daiyndyǵyn bildirdi.
