QR Aqparat jáne qoǵamdyq damý ministri Aida Balaeva qazaqstandyqtardy Ramazan aiynyń kelýimen quttyqtady, dep habarlaidy "Ult aqparat" ministrliktiń Telegram kanalyna silteme jasap.
«Qurmetti qazaqstandyqtar!
Elimizdiń barsha musylman qaýymyn qasietti Oraza aiynyń kirýimen shyn júrekten quttyqtaimyn.
Ramazan – izgilik pen parasatqa, rýhani jańarý men tazarýǵa úndeitin, ótkennen qalǵan ókpe-renishterden arylyp, qaiyrymdy ister jasaityn mezgil.
Ókinishke orai, biylǵy Ramazan aiynda da pandemiia jaǵdaiy saqtalyp tur. Osy oraida, azamattarymyzdy sanitarlyq-epidemiologiialyq norma talaptaryn saqtaýǵa jáne Múftiiattyń usynymdaryn oryndaýǵa shaqyramyn. Qaýipti indetti jeńip shyǵý úshin aýyzbirlik pen sabyr, tártip pen tózim qajet.
Qasietti aida tutqan orazalaryńyz, jasaǵan izgi amaldaryńyz, tilegen duǵa-nietterińiz qabyl bolsyn. Denderińizge saýlyq, otbasylaryńyzǵa amandyq, baq-bereke tileimin!», - delingen ministrdiń quttyqtaýynda.
