QR Aqparat jáne qoǵamdyq damý ministri Aida Balaeva XVII Eýraziia media forýmynda pandemiianyń qoǵamǵa qalai yqpal etkenin aitty, dep habarlaidy QazAqparat.
«Búgingi forýmnyń basty taqyryby – álemniń pandemiiadan keiin qalai ózgergeni. Aldymen koronavirýstyń adamdarǵa jańa qaýip emestiginen bastaiyq. Tarihta birneshe ret taralǵan qara oba, sheshek, kúidirgi syndy mysaldar bar. Biraq alǵash ret bizdiń zamanda virýstyń taralýy jan-jaqty, planetalyq sipatta boldy jáne bul álemdi ózgertip, ekonomikanyń barlyq salalaryna yqpal etti jáne basqarý salasyna áserin tigizdi. Eń bastysy, pandemiia bizge, ár adamǵa jeke áser etti. Maska, qorǵanys quraldary sirek bolsa, búginde olar úirenshikti jaǵdaiǵa ainaldy. Biraq bul - tek syrtqy jaǵy, qoǵam ómiriniń barlyq salalaryndaǵy tereń ishki ózgerister áldeqaida mańyzdy», - dedi ministr forýmnyń «Pandemiia álemdi qalai ózgertti jáne jahandyq ómir súrýdiń jańa baǵyttaryn qalai anyqtady?» sessiiasynda.
Balaevanyń aitýynsha, pandemiiada adamdar óndiristerden basqa qyzmetti jumys ornyna bailanystyrmai-aq júrgizýge bolatynyn úirendi.
Aqparattyq tehnologiialardyń arqasynda basqarýǵa kóp ziian keltirmesten karantindik sharalardy oryndai aldy jáne lokdaýn jariialady.
«Osyǵan qaramastan koronavirýs qurbandarynyń sany 4 millionnan asty. Salystyryp qarar bolsaq, HHI ǵasyrdyń basynan bastap alǵashqy 14 jylda statistika júrgizilgen qaqtyǵystarda 780 myń adam qaitys boldy. Sondai-aq, pandemiia elder men qurlyqtar arasyndaǵy kólik qatynasyn kúrt tómendetti. Alaida, aqparattyq tehnologiialar kómegimen biz syrtpen bailanysty joǵaltpadyq, olardy virtýaldy keńistikke tolyǵymen aýystyrdyq. Álem jańa jaǵdaiǵa birden jaýap qatty. 2019 jyldyń jeltoqsan aiynda barlyǵyna tanymal ZOOM servisin paidalanýshylar sany 10 mln bolsa, 2020 jyldyń naýryz aiynda olar 200 mln-ǵa deiin ósken», - dep atap ótti Aida Balaeva.
Aita keteiik, búgin Nur-Sultanda XVII Eýraziialyq media forýmnyń jumysy resmi túrde ashyldy. Forým 17 qyrkúiekke deiin jalǵasady.
