QR Prezidentiniń kómekshisi — Prezident Ákimshiligi ótinishterdi qaraýdy baqylaý bóliminiń meńgerýshisi Aida Balaeva balalar men eresekterge arnalǵan eń paidaly internet alańdary men mobildi qosymshalar jaily málimetpen bólisti, dep habarlaidy "Ult aqparat".
«Kinoteatrlar, saýda ortalyqtary, klýbtar men úiirmeler toqtap qalǵan kezde májbúrli karantin jáne uzaq demalystar balalardyń bos ýaqytyn qalai ótkizýi kerektigi týraly máseleni týyndatady. Búgingi tańda internettiń arqasynda siz kez kelgen bilim berý platformasyn tańdap, balalar úshin ǵana emes, eresekter úshin de ýaqytty tiimdi ótkize alasyz», - dep jazǵan Aida Balaeva óz jazbasynda paidaly mobildi qosymshalardy tizip berdi.
iMektep.kz - Qazaqstannyń jetekshi ádiskerleri men muǵalimderi ázirlegen bastaýysh mektep baǵdarlamasynyń tolyq kýrsy. Ár sabaq interaktivti oiyn tapsyrmalary men testilermen birge júretin qysqa animatsiialyq filmnen turady.
Bilimland.kz - elektrondy oqytý salasyndaǵy álemdik kóshbasshylardyń jetistikterine negizdelgen bilim alańy. Bul - álemdik ázirleýshilerdiń muǵalimderge, stýdentterge jáne ata-analarǵa arnalǵan zamanaýi bilim berý mazmunyndaǵy eń úlken jinaq.
Twig-bilim.kz - Qazaqstanda da kásibi deńgeide qoljetimdi halyqaralyq onlain servis. Keshen himiia, fizika, biologiia, ǵylym, matematika jáne geografiia pánderinen mektep baǵdarlamasynyń negizinde jasalǵan 1 500-den astam qyzyqty qysqa metrajdy (shamamen 3 minýt) filmnen turady.
Zhastar.org - Oqýshylardyń ómirlik, áleýmettik daǵdylary men psihologiialyq saýlyǵyn damytýǵa arnalǵan ata-analarǵa, muǵalimder men balalarǵa arnalǵan onlain platforma. Saitta mýltimediialyq materialdar ata-analar men balalarǵa, psihologtar men oqytýshylarǵa tiisti usynystar bar.
Kitap.kz (Qazaqstan ashyq kitaphanasy) - bul 20 myńnan astam shyǵarma jinaǵy bar qazaq ádebietiniń eń úlken tegin onlain kitaphanasy.
Audiokitap.kz - bul qazaq kórkem ádebietiniń tegin 1 500-den astam aýdio kitaby men 400 aýdio ertegisi ornalastyrylǵan mobildik qosymsha. Ol iOS jáne Android úshin qoljetimdi.
Openu.kz (Qazaqstannyń ashyq ýniversiteti) - bul aldyńǵy qatarly ýniversitetter men oqytýshylardyń onlain kýrstaryna kirýge múmkindik beretin onlain bilim berý platformasy. Munda gýmanitarlyq, injenerlik jáne biznes mamandyqtary boiynsha 170-ten astam kýrs bar. Saitta «Jańa gýmanitarlyq bilim. Qazaq tilindegi 100 jańa oqýlyq» jobasy aiasyndaǵy kitaptar da qoljetimdi.
Academia.kz - muǵalimder men ata-analarǵa arnalǵan bilim berý alańy. Oqytýshylardyń shyǵarmashylyq jáne ǵylymi jumystaryna arnalǵan ǵylymi tájiribeler, oqý-ádistemelik materialdar men pedagogikalyq ádebietterdiń úlken jinaǵy.
Khanacademy.org - mektepte bilim alýǵa arnalǵan aqysyz platforma. Sait jeke bilim berý traektoriiasyn qurýǵa múmkindik beredi.
Alison.com – 1 myńnan astam tegin kásibi kýrstar. Jobanyń aýditoriiasy - 14 millionnan astam qoldanýshy.
Openculture.com - bilimge qol jetimdiliktiń jahandyq bastamasy. Platformada 1300 onlain kýrs, 1 150 film, 700 aýdio kitap, 800 elektrondy kitap, 300 tildik kýrs jáne 150 biznes kýrs bar.
Academicearth.org - AQSh-tyń jetekshi ýniversitetteriniń kýrstarynyń agregatory. Sait Kornell, Kolýmbiia, Garvard, Dartmýt, Prinston, Stenford, Iel jáne basqa ýniversitetterdiń kýrstaryn tyńdaýǵa múmkindik beredi.
Google Arts Institute - búkil álemniń óner týyndylaryna qoljetimdi onlain platforma. Qazirgi ýaqytta platforma arqyly 32 álem murajaiy men kórmedegi, onyń ishinde Metropoliten óner murajaiy (Niý-Iork), Ýffizi (Florentsiia) jáne Teit qazirgi galereiasy (London) siiaqty 32 myńnan astam nysannyń kollektsiiasyn kórýge bolady.
MIT OpenCourseWare - injenerlik jáne IT mamandyqtary boiynsha MIT ýniversitetiniń oqý materialdary.
TED-Ed - bilim berý qajettilikteri úshin jáne suraqtarmen, testtermen uiymdastyrylǵan TED baiandamalary.
National Geographic Kids - bul kishkentai balalarǵa arnalǵan tanymal National Geographic Kids mazmuny. Tabiǵat pen Jer planetasy týraly bilýge yńǵaily sait.
«Bos ýaqytyńyzdy balalaryńyzdyń qoǵamdastyǵynda praktikalyq artyqshylyqtarmen ótkizip, birge jańa bilim men daǵdylardy igere alasyzdar dep úmittenemin!» - dep jazdy Aida Balaeva.
