Memleket basshysy Qasym-Jomart Toqaev birinshi shaqyrylymdaǵy Quryltaidyń alǵashqy sessiiasynyń ashylýynda Aibek Arqabaiuly Dádebaidy Quryltai tóraǵasy qyzmetine usyndy. Onyń kandidatýrasyn Quryltai depýtattary qoldady, dep habarlaidy ult.kz.
Prezident Quryltaidyń basshylyq quramyn jasaqtaý jańa Konstitýtsiiaǵa sáikes júzege asyrylatynyn atap ótti. Konstitýtsiianyń 57-babyna sáikes, Quryltai tóraǵasynyń kandidatýrasyn Prezident usynady.
«Men jaýapkershiligi zor bul laýazymǵa Aibek Arqabaiuly Dádebaidyń kandidatýrasyn usynamyn. Sizder bul tulǵany jaqsy bilesizder. Ol memlekettik basqarý júiesinde kóp jyl qyzmet etti. Tájiribesi mol dep aitýǵa bolady», — dedi Qasym-Jomart Toqaev.
Memleket basshysy Dádebaidyń bilimdi, otanshyl ári adal azamat ekenin naqty isterimen dáleldegenin aityp, ony bul qyzmetke laiyq dep sanaitynyn jetkizdi.
