Aǵylshyn mamany Pol Eshýort «Astana» klýbynan ketti, dep habarlaidy "Ult aqparat".
«Astana» fýtbol klýby málim etkendei, taraptar kelisimine sáikes P.Eshýortpen eńbek shartyn qysqartý týraly sheshim qabyldandy.
Pol Eshýort elordalyq klýbta 2019 jyldan beri atqarýshy direktor qyzmetin, sońǵy aida bas bapker mindetin qosa atqardy. Osy merzimde «Astana» eki márte Qazaqstan sýperkýbogyn utyp aldy. El chempiony atanyp, Eýropa ligasynyń toptyq kezeńinde óner kórsetti. Onda aǵylshyndyq «Manchester Iýnaited» komandasyn jeńdi.
«Astana» fýtbol klýby P.Eshýorttyń qyzmetine rizashylyq bildirdi.
Qazirgi kezde jańa bas bapkerdi izdeý jumystary júrgizilýde.
Elordalyq komandanyń biylǵy qarqyny kóńil kónshitpei tur. Qazaqstan birinshiliginiń jeńimpazy Chempiondar men Eýropa ligasynan erte shyǵyp qaldy.
El chempionatynda da Almatynyń «Qairatynan» segiz upaiǵa keiin qalyp otyr.
