Qarjy monitoringi agenttigi burynǵy Densaýlyq saqtaý ministri Eljan Birtanovqa qatysty jelide taraǵan aqparatqa túsinik berdi, dep habarlaidy QazAqparat.
«BAQ jáne áleýmettik jelilerde burynǵy densaýlyq saqtaý ministri E.Birtanovqa qatysty tergeýde onyń kináli ekendiginiń dáleldemeleri joq bolýyna bailanysty qylmystyq isti tergep-teskerý merzimderin sozý týraly aqparat taratylýda.
Bul aqparattyń aqiqat emestigin jáne onyń qoǵamda aǵymdaǵy jaǵdai týraly qate túsinik qalyptastyrýǵa baǵyttalǵanyn habarlaimyz. Agenttiń qylmystyq isti tergeýdi osy jyldyń 7 shildesinde aiaqtady, bul týraly jurtshylyqqa birneshe ret aqparat berildi. Osy ýaqyttan bastap qorǵaý tarapy qylmystyq is materialdarymen tanysýda. Tek sodan keiin is sotqa máni boiynsha qarastyrylýy úshin joldanady», - delingen Agenttik habarlamasynda.
Agenttik kúdiktiniń kináli nemese kináli emestigi týraly másele tek qana sotpen ǵana sheshilýi tiis ekendigin jetkizdi.
Eske salsaq, Eljan Birtanovtyń úiqamaq merzimi birneshe márte uzartyldy.
Burynǵy Densaýlyq saqtaý ministri Eljan Birtanov biýdjet qarajatyn ysyrap etti degen kúdikpen qamaýǵa alynǵan edi.
