Almatynyń Aqbulaq móltekaýdanyndaǵy atys týraly oqiǵa kýágerleri aityp berdi, - dep habarlaidy Tengrinews.kz agenttigi.
Almaty turǵyny Dinmuhamed Omarovtyń aitýynsha, 20 qyrkúiekte tústen keiin keńse mańynda birneshe ret oq atylǵany, keiin taǵy atys dybysy estilgen. Osydan keiin jigit áriptesterimen birge kóshege shyqqan.
"Keńse qaiǵyly oqiǵa bolǵan jerden bir-eki úiden keiin tur. Áriptesterimizben keńsede otyrǵanbyz, saǵat 17.00 shamasynda úsh ret atylǵan oqtyń dybysy estildi, sosyn bir minýttan keiin taǵy tórt ret atyldy. Biz buǵan asa mán bermedik. Biraq osy oqiǵadan keiin qyzdyń aiǵaiyn estidik. Kóshege júgirip shyqqanymyzda bir qyz "aǵamdy óltirdi, aǵamdy óltirdi" dep jylap keldi.
Biz odan ne bolǵanyn surai bastadyq, biraq qyz jylap, eshteńe túsindire almady. Onyń sózderinen atys bolǵan úidiń aýlasynda úsh máiit jatqanyn ǵana túsindik. Keiin ol úidi alýǵa aǵasymen kelgenin aitty. Olarmen birge sot oryndaýshysy jáne eki ýchaskelik politsiia qyzmetkeri bolǵan.
Qyz úige kirmei qaqpanyń syrtynda qalǵan, al qalǵan beseýi úige kirgen, olarǵa oq tigen. Sol sátte qyz kómek suraý úshin biz jaqqa júgirip, ǵajaiyp túrde aman qaldy", - dedi ol.
Omarov osydan keiin birden politsiia jasaqtary kelgenin aitty. Olar kósheni eki jaqtan qorshap, eshkimdi úige jaqyndatpaǵan.
"Úige eshkim kirgen joq, tipti politsiia qyzmetkerleri de. Olar arnaiy jasaqty kútti. Úiden de eshkim shyqpady. Sodan keiin arnaiy jasaq keldi, biraq atqyshty úiden olar shyǵarmady. Ony politsiia-jedel ýákilderi shyǵarǵan siiaqty, óitkeni olar azamattyq formada boldy", - dedi almatylyq.
Sondai-aq, Omarov oqiǵa kezinde qyzdyń qasynda basqa sot oryndaýshysy bolǵanyn málimdedi.
"Taǵy bir sot oryndaýshysy jylap júrdi, ol úidiń ishinde eki kýáger bolǵanyn aitty. Shamasy, ol kýágerlerdi osy iske tartqan adam. Meniń oiymsha, bul onyń tanysynyń nemese onyń týystarynyń tanystary. Sebebi ol janymyzda "qazir onyń áieline buny qalai aitamyn? Olardy shaqyrǵan men" dep jylap turdy", - dep qorytyndylady ol.
Eske salaiyq, 20 qyrkúiekte shamamen saǵat 17:00-de Alataý aýdanyndaǵy Aqbulaq móltekaýdanyndaǵy turǵyn úilerdiń biriniń 1967 jylǵy turǵyny atys shyǵarǵan. Ol ańshy qarýymen sot oryndaýshysyna, politsiianyń ýchaskelik inspektorlaryna jáne aýlad bolǵan eki beibit turǵynǵa oq atqan.
Qaza bolǵandardyń ishinde 1982 jylǵy maior jáne 1988 jylǵy kapitan, sonymen qatar sot oryndaýshysy jáne daý nysany bolǵan úidiń jańa iesi men onyń tanysy bolǵan. Almaty TJD málimetinshe, departament qyzmetkerleri zardap shekpedi.
Quqyq qorǵaý organdary QR Qylmystyq kodeksiniń 99-babynyń 2-bóligi boiynsha is qozǵazǵan. Bul qylmysty jasaǵandar 20 jylǵa nemese ómir boiyna bas bostandyǵynan aiyrylady. Kúdiktini arnaiy qyzmet ókilderi oqiǵa ornynda qarý qoldanbai ustaǵan, óitkeni úide áielder men balalar bolǵan.
