Kollaj: ozgeris.info
Tanymal ázilkesh Tursynbek Qabatovtyń ekinshi jubaiy Aiman Talǵatqyzy áleýmettik jelide óziniń atynan taraǵan túrli jazbalarǵa senbeýdi surady, dep habarlaidy Ult.kz.
Ol TikTok qoldanbaitynyn aityp, jelide taraǵan ne bolsa soǵan sene bermeýge shaqyrdy.
"TikTok degen álemde men otyrmaimyn, qoldanbaimyn. Meniń atymnan jazylǵan neshe túrli ótirik sózderge senbeńizder. Maqsattary — ádeii namysqa tietin sózder jazyp, eldiń nazaryn aýdarý jáne kommentarii jinaý. Advokattar bul máselege qatysty jumysty aiaqtap qaldy. Kózi ashyq, kókiregi oiaý 21 ǵasyrda ómir súrip jatqan jandarym, jasandy intellektini ajyrata alatyn shyǵarsyzdar? Ne bolsa soǵan sene berýdiń qajeti joq", — dedi ol.
