Ádilhan Erjanov Shvetsiiadaǵy Hope International Film Festival kinofestivalinde "Úzdik rejisser" nominatsiiasyn jeńip aldy, - dep habarlaidy Tengrinews.kz tilshisi.
Ol "Sary mysyq" filmi úshin eń úzdik rejisser retinde tanyldy. Sonymen qatar, Verona (Italiia) jáne Briýggede (Belgiia) ótken eki kinofestivalde de kartina "úzdik film" nominatsiiasymen marapattaldy.
Filmde qazaqstandyq Bonni men Klaidtyń oqiǵasy baiandalady. Jas Kermek túrmeden shyqqannan keiin týǵan qalasyna oralyp, óziniń qatygez zańdaryn ornatqan qylmystyq top sol jerde bilik júrgizip jatqanyn kóredi. Onyń súiikti qyzy Eva osy adamdardyń qysymymen jaman jolǵa túsedi, al Kermek ózi qylmysqa batyp ketedi. Alaida onyń armany - súiiktisimen birge bul qiyndyqtan ótip, kinoteatr salý. Ol maqsatyna qandai jolmen bolsa da qol jetkizgisi keledi.
"Sary mysyq" filmin Zerde FILMS kompaniiasy Short Brothers, Arizona Productions (Frantsiia) kompaniialarynyń, "Qazaqfilm" kinostýdiiasynyń qatysýymen túsirgen.
