Isa Baizaqov atyndaǵy Pavlodar oblystyq filarmoniianyń ártisteri Astana men Dombyra kúnderine arnap mýzykalyq klip shyǵardy, dep habarlaidy Pavlodarnews.kz saity.
- Bul klipte «Adaidyń» dástúrli únine elektroviolonchel aralasyp, kúige erekshe áýez berip tur, - deidi oblystyq filarmoniia direktorynyń orynbasary Látipa Quraqbaeva. – Onyń maǵynasy – qazaqtyń ulttyq áýezderin kez kelgen mýzykalyq aspap arqyly eń joǵary deńgeide oryndaýǵa bolatynyn dáleldeý. Oǵan qosa klipti kórseńiz, onda dombyra men elektroviolonchel, kim myqty degendei, bir-birimen jarysa oinaidy.
Beinebaian «Ertis Media» JShS tehnikalyq qoldaýymen Pavlodardaǵy 17-qabattyq turǵyn úidiń shatyrynda túsirilgen. Beineklipte sondai-aq, Pavlodar men Baianaýyldyń sulý jerleri kórsetilgen.
