Ulttyq Sandii zerthanalarynyń ǵalymdary jańa qorytpany jasap shyǵardy. Bul - adam qolynan shyqqan tozýǵa eń tózimdi material. Ǵalymdardyń jumysy Advanced Materials jýrnalynda jariialandy, dep habarlaidy RIA Novosti.
Ǵalymdar atalmysh qorytpany jasaý úshin Jer betindegi eń sirek kezdesetin metaldar - altyn men platinany biriktirgen. Zertteýshilerdiń aitýynsha, jańa materialdyń myqtylyǵy sonsha, odan jasalǵan avtokólik shinalary uzyndyǵy 40 075 shaqyrym jer ekvatoryn bes júz ret ainalyp shyǵa alady.
Zertteýshiler qorytpanyń erekshe qasietterin dáleldeý úshin ony atomdyq deńgeide zerttedi. Sondai-aq, ǵalymdar jańa materialdy synaqtan ótkizý kezinde onyń betki qabatynda qara qabyqsha paida bolǵanyn aitty. Ol - almaz tektes kómirtek bolyp shyqqan. Zertteýshiler atalmysh materialdyń bul qasietin eń baǵaly dep sanaidy.
Jańa materialdy ártúrli elektrondyq qurylǵylar úshin paidalanýǵa bolady. Qorytpany juqalap smartfondardyń jyljityn bólikterine jaǵatyn bolsa, uialy telefon uzaǵyraq qyzmet kórsetýi múmkin. Materialdyń mundai qasietteri ónerkásipke jylyna 100 million dollarǵa deiin únemdeýge múmkindik beredi.
