Eńbek jáne halyqty áleýmettik qorǵaý ministrligi beinekonferentsiia rejiminde adamdardy zańsyz áketýge, ákelýge jáne satýǵa qarsy kúres máseleleri jónindegi vedomstvoaralyq komissiianyń (VAK) 41-otyrysyn ótkizdi, dep habarlaidy atalǵan vedomstvonyń baspasóz qyzmeti.
Keńeske Joǵarǵy Sot, Bas prokýratýra, Ulttyq qaýipsizdik komiteti, QR Qarjy monitoringi agenttigi, 8 ministrlik, QR Prezidenti janyndaǵy Adam quqyqtary jónindegi komissiia, Adam quqyqtary jónindegi ulttyq ortalyq, jergilikti atqarýshy organdar men ÚEU ókilderi qatysty.
QR Úkimetiniń Adam saýdasyna bailanysty qylmystardyń aldyn alý, boldyrmaý jáne olarǵa qarsy kúres jónindegi 2021 – 2023 jyldarǵa arnalǵan is-sharalar josparynyń oryndalý barysy týraly otyrysqa qatysýshylardy Eńbekmini áleýmettik qyzmetter saiasatyn damytý departamentiniń direktory Albina Boranbaiqyzy habardar etti.
«Aǵymdaǵy jylǵy 26 mamyrda ótken VAK-tyń 40-otyrysynyń qorytyndysy boiynsha adam saýdasyna qarsy is-qimyl salasyndaǵy normativtik quqyqtyq aktilerdi jetildirý sheńberinde QR Áleýmettik kodeksiniń tujyrymdamasyna Qazaqstan aýmaǵynda ýaqytsha bolatyn sheteldik adam saýdasynyń qurbandaryna arnaýly áleýmettik qyzmetter kórsetýdi qarastyratyn norma engizildi. Qazirgi ýaqytta bul norma memlekettik organdarmen kelisýden ótýde», – dedi Albina Boranbaiqyzy.
Ol sondai-aq VAK-tyń 40-otyrysynda barlyq óńirlerdiń ákimdikterine aǵymdaǵy jylǵy 14 maýsymǵa deiingi merzimde óńirlik komissiialardyń otyrystaryn ótkizý tapsyrylǵanyn atap ótti. Alaida, birinshi jartyjyldyqtyń qorytyndysy boiynsha óńirlik komissiialar ShQO, Jambyl, Mańǵystaý jáne Pavlodar oblystarynda ótkizilmedi.
«Keshendi, birlesken nemese kelisilgen vedomstvoaralyq, profilaktikalyq jáne jedel-izdestirý is-sharalaryn júrgizý sheńberinde naýryz jáne maýsym ailarynda ishki ister organdary respýblika aýmaǵynda «STOP trafik» jedel-aldyn alý is-sharalaryn júrgizdi. Olardyń qorytyndysy boiynsha IIM aýmaqtyq bólimsheleri Qylmystyq kodekstiń túrli baptary boiynsha 87 sotqa deiingi tergeýdi bastady (qanaý maqsatynda adam urlaý, qanaý maqsatynda bas bostandyǵynan zańsyz aiyrý, kámeletke tolmaǵandy jezókshelikpen ainalysýǵa tartý, kámeletke tolmaǵandardy saýdaǵa salý, jezókshelikpen ainalysýǵa tartý, jezókshelikpen ainalysýǵa arnalǵan pritondar uiymdastyrý nemese ustaý jáne jeńgetailyq)», – dep tolyqtyrdy Eńbekmini Áleýmettik qyzmetter saiasatyn damytý departamentiniń direktory.
Budan basqa, otyrysta Qazaqstan aýmaǵynda ýaqytsha turatyn sheteldikterge jáne adam saýdasynyń qurbany bolǵan azamattyǵy joq adamdarǵa arnaýly áleýmettik qyzmetter (Budan ári – AÁQ) kórsetý bóliginde qoldanystaǵy zańnamaǵa ózgerister men tolyqtyrýlar engizý máseleleri qaraldy.
Osyǵan bailanysty Eńbekmini 9 zańnamalyq aktige:
- QR azamattarymen teń dárejede tegin meditsinalyq kómektiń kepildik berilgen kólemin;
- quqyqtyq konsýltatsiia berý, sondai-aq sottarda, qylmystyq qýdalaý organdarynda, ózge de memlekettik organdar men memlekettik emes uiymdarda múddelerdi qorǵaý jáne bildirý túrindegi memleket kepildik bergen zań kómegin;
- bastaýysh, negizgi orta jáne jalpy orta bilim;
- arnaýly áleýmettik qyzmetterdiń kepildik berilgen kólemin;
- jumyspen qamtýǵa járdemdesýdiń belsendi sharalary - jańa kásibi bilim, jumysqa ornalasý sharasyn jáne t. b. alýǵa quqyq berý bóliginde túzetýler engizýdi talap etetin usynystar daiyndady.
«Zańnamaǵa usynylǵan túzetýler barlyq múddeli memlekettik organdarmen talqylanyp, qoldaý tapty. Bul normalar sheteldik adam saýdasynyń qurbandaryna kórsetiletin kómek kólemine teń dárejede qol jetkizýge múmkindik beredi, olardyń tergeý men qylmystyq qýdalaýǵa tartylýyna qaramastan, áleýmettik kómek kórsetýdi qamtamasyz etýge múmkindik beredi», – dep atap ótti Eńbekmini Áleýmettik qyzmetter saiasatyn damytý departamentiniń direktory.
Otyrys qorytyndysy boiynsha VAK:
- memlekettik organdar men oblystardyń, Almaty, Nur-Sultan, Shymkent qalalarynyń ákimdikterine Qazaqstan Respýblikasy Úkimetiniń Adam saýdasyna bailanysty qylmystyń aldyn alý, jolyn kesý jáne oǵan qarsy kúres jónindegi 2021 – 2023 jyldarǵa arnalǵan is-sharalar josparynyń ýaqtyly jáne sapaly oryndalýyn qamtamasyz etýdi;
- memlekettik organdarǵa «Qazaqstan Respýblikasynyń keibir zańnamalyq aktilerine múgedek adamdardyń ómir súrý sapasyn jaqsartý máseleleri boiynsha ózgerister men tolyqtyrýlar engizý týraly» zań jobasyn QR aýmaǵynda ýaqytsha turatyn sheteldikterge jáne adam saýdasynyń qurbandary bolǵan azamattyǵy joq adamdarǵa SSB berý bóliginde kelisý protsesin jedeldetýdi;
- oblystardyń, Almaty, Nur-Sultan, Shymkent qalalarynyń ákimdikterine osy jyldyń ekinshi jartyjyldyǵynda adamdardy zańsyz áketýge, ákelýge jáne satýǵa qarsy kúres máseleleri jónindegi óńirlik komissiia ótkizýdi usyndy.
Esterińizge sala keteiik, ózara is-qimyldy úilestirý úshin VAK-qa tóraǵalyq etý rotatsiialyq negizde júzege asyrylady. 2014-2015 jyldary, 2018-2019 jyldary – QR IIM, 2016-2017 jyldary, sondai-aq 2020-2021 jyldary – QR Eńbek ministrligi.
