Adam quqyqtary jónindegi ýákil táýelsiz bolady jáne qandai da bir memlekettik organdar men laýazym ielerine esep bermeidi. Bul týraly Májiliste depýtat Irina Ýnjakova málim etti,dep habarlaidy QazAqparat.
Búgin Májiliste «Qazaqstan Respýblikasyndaǵy Adam quqyqtary jónindegi ýákil týraly» zań jobasyn ilespe túzetýlerimen tanystyrý kezinde Ýákildiń mártebesi qaraldy.
«Adam quqyqtary jónindegi ýákil qyzmetin qandai da bir jolmen shekteýge tyiym salynady. Ol táýelsiz bolady jáne qandai da bir memlekettik organdarǵa jáne laýazym ielerine esep bermeidi», - dedi I. Ýnjakova zań jobasyn tanystyrý kezinde.
Budan buryn habarlanǵandai, Adam quqyqtary jónindegi ýákildiń mártebesin kóteretin qadamdar iske asyrylady.
«Zań jobasynda derbes quqyqtylyqqa ie bolý siiaqty qosymsha bar. Bul óz kezeginde osy qyzmet úshin mańyzdy. Iaǵni Ýákil tutqyndalmaidy, qamaýǵa alynbaidy, qylmystyq ári ákimshilik jaýapkershilikke tartylmaidy, sondai-aq tintý men jeke tekserýmen qamtylmaidy», - dedi depýtat.
